The Dark Knight

Mögnuð mynd - virkilega flott, geðveik myndataka og action atriðin voru náttúrulega rosaleg. Allt mjög vandað - mjög flott "áferð" á myndinni. Svipað og í Batman Begins þá voru kvöld/nætur atriðin mjög drungaleg - skapaði svolítið sérstaka stemmningu... Myndin var líka skuggalega fyndin inn á milli - þá aðallega þegar Joker-inn átti í hlut, enda viðeigandi. Heath Ledger stóð sig mjög vel - náði að gera Joker-inn (bókstaflega) einn geðveikasta karakter sem maður hefur séð á hvíta tjaldinu, kæmi alls ekkert á óvart að hann myndi fá Óskarinn. Maður hefði alveg verið til í að sjá hann áfram í fleiri Batman myndum... Verður spennandi að sjá hvort þeir haldi áfram og búi til þriðju myndina í þessari endurlífguðu Batman seríu - og miðað við að The Dark Knight er að slá hvert metið á fætur öðru þá eru frekar miklar líkur á því. Frekar löng mynd, en virtist samt ekki vera það - endalaus bardagi fram og til baka á milli góðs og ills. Gaman að sjá William Fichtner þarna í smá hlutverki...